.jpg)
हामीले क्रान्तिकारी कम्युनिस्टहरूलाई एकताबद्ध तुल्याई माओवादी कम्युनिस्ट केन्द्रका रूपमा नयाँ ढङ्गको कम्युनिस्ट पार्टी निर्माणको प्रक्रियालाई अगाडि बढाउने निर्णय लिंदै आएका छौं । क्रान्तिकारी कम्युनिस्टहरूको एकता आजको ऐतिहासिक आवश्यकता हो । परन्तु, यो काम विचारधारात्मक तथा राजनीतिक एकताबाट मात्रै सम्भव छ ।
हामी सिद्धान्तनिष्ठ एकताको पक्षमा छौं । आज एकथरी मानिस यस्ता छन्, जसले जसरी पनि पार्टी एकता हुनैपर्दछ भन्ने कुरा गर्दछन् । यो नितान्त गलत चिन्तन हो ।
आजको साम्राज्यवाद र सर्वहारा क्रान्तिको युगमा साम्राज्यवाद र संशोधनवादका बीच गठबन्धन कायम गरिएको हुन्छ र त्यस स्थितिमा फुटलाई टार्नै सकिदैन ।
क्रान्तिकारी कम्युनिस्टहरूका बीचको एकताको कुरा गर्दा सिद्धान्त र राजनीतिको प्रश्नलाई प्राथमिक स्थानमा राख्नुपर्ने हुन्छ । विचारधाराको प्रश्नलाई पन्छाएर पार्टी एकताको कुरा गर्न नै सकिंदैन ।
साथै, आज अर्काथरी मानिस पनि छन्, जसले पार्टी एकताको पूरै विरोध गर्दछन् । यो पनि गलत चिन्तन हो । सिद्धान्त र राजनीति मिलेको अवस्थामा पार्टी एकता गर्नैपर्ने हुन्छ पार्टी एकताबारे हामी दुवै प्रकारका अतिवादबाट बच्नै पर्दछ । यहाँनेर पहिलो अतिवाद बढी हानीकारक रहेको छ ।
अब हामी पूर्वाग्रह, सङ्कीर्णता र उदारता सबैखाले रोगबाट मुक्त हुँदै जानु पर्दछ । देश, जनता र क्रान्तिको हितका निम्ति हामी उक्त सैद्धान्तिक राजनीतिक तथा साङ्गठनिक मान्यताका आधारमा एकताबद्ध हुनै पर्दछ ।
हाम्रो पार्टी नेकपा–माओवादीले पार्टी एकताका लागि आवश्यक सैद्धान्तिक÷राजनीतिक आधारहरू प्रस्तुत गर्दै आएको छ, ती आधारहरू यी हुन्: (१) माक्र्सवाद–लेनिनवाद– माओवादलाई पथप्रदर्शक सिद्धान्तका रूपमा अवलम्बन गर्ने । (२) नयाँ जनवादी क्रान्तिको नीति, कार्यक्रम र कार्यदिशालाई स्वीकार गर्ने । (३) संसद्वादलाई अस्वीकार गर्ने (४) सामाजिक क्रान्ति र रूपान्तरणको लागि बलप्रयोगको भूमिकालाई स्वीकार्ने । (५) पार्टी इतिहासको समीक्षा गर्न र गल्ती, कमी तथा कमजोरीलाई सच्याउन तयार रहने । (६) जनवादी केन्द्रीयताको मर्म तथा भावनाअनुरूप सङ्गठन सञ्चालन गर्न राजी हुने । क्रान्तिकारी कम्युनिस्ट केन्द्र निर्माणका लागि यी अनिवार्य सैद्धान्तिक–राजनीतिक आधार हुन्, र जसले यी आधारहरूलाई स्वीकार गर्दछ, त्यससित पार्टी एकता हुन सक्तछ ।
यद्यपि हामीले सैद्धान्तिक र राजनीतिक रुपमा एकअर्काको विरोध र आलोचना पनि गरिरहेका छौं । यस अर्थमा हामीहरूमा एकअर्काप्रति तीक्तताका अनुभूति पनि छन् । परन्तु, हामीले यी कुरालाई अस्वाभाविक ठान्नु हुँदैन, सच्चा कम्युनिस्टहरू आलोचना र विरोधदेखि डराउँदैनन् । वस्तुतः अब हामी पूर्वाग्रह, सङ्कीर्णता र उदारता सबैखाले रोगबाट मुक्त हुँदै जानु पर्दछ । देश, जनता र क्रान्तिको हितका निम्ति हामी उक्त सैद्धान्तिक राजनीतिक तथा साङ्गठनिक मान्यताका आधारमा एकताबद्ध हुनै पर्दछ । क्रान्तिकारी कम्युनिस्ट केन्द्रको निर्माण विचारधारात्मक सङ्घर्षका बीचबाट नै हुनसक्दछ ।
विचारधारात्मक रूपान्तरणको प्रश्न :
हामी कम्युनिस्ट हौं । परन्तु, हामी सामन्तवाद, साम्राज्यवाद र संशोधनवादद्वारा घेरिएको समाजमा छौं । हामीमा वर्गसमाजको प्रतिबिम्बमा रूपमा विजातीय विचारधाराको प्रभाव परेको हुन्छ । हाम्रो चिन्तनशैली, जीवनशैली र कार्यशैलीमा कैयौं कमी–कमजोरी पैदा भइरहन्छन् । यसस्थितिमा हामी सर्वहाराकरणको प्रक्रियाबाट निरन्तर अगाडि बढ्दै जान, माक्र्सवाद–लेनिनवाद–माओवादको पथप्रदर्शनमा विचारधारात्मक, सांस्कृतिक तथा भावनात्मक रूपमा रूपान्तरित हुन आवश्यक छ ।
समाजमा विद्यमान वर्गसङ्घर्ष र विचारधारात्मक सङ्घर्ष कम्युनिस्ट पार्टीमा प्रतिबिम्बित हुन्छ र पार्टीमा विचारधारात्मक सङ्घर्ष वा दुईलाइन सङ्घर्ष चल्ने गर्दछ ।
पार्टीमा चल्ने यसप्रकारको सङ्घर्ष कुनै बेला सरल र कुनै बेला अत्यन्तै पेचिलो हुने गर्दछ । पार्टीमा चल्ने विचारधारात्मक सङ्घर्षलाई एकता–सङ्घर्ष वा आलोचना र रूपान्तरणको पद्धतिद्वारा हल गरिन्छ र गर्नुपर्दछ ।विचारधारात्मक सङ्घर्षको क्षेत्रमा विभिन्न विचार तथा प्रवृत्तिहरूका बीच प्रतिस्पर्धा चल्ने कुरालाई स्वागत नै गर्नुपर्दछ । प्रतिक्रियावादीहरूले आफ्ना विरोधी विचारहरूलाई दबाउने काम गर्दछन् र त्यसको हामीले विरोध गर्नुपर्दछ । विचारधारात्मक क्षेत्रको सङ्घर्षलाई दमन र करकाप होइन, बहस र तर्कको पद्धतिद्वारा हल गर्नुपर्दछ ।
विचारधारात्मक सङ्घर्षको प्रकृति दीर्घकालीन हुने गर्दछ । जबसम्म समाजमा वर्ग हुन्छन् र तिनका बीच सङ्घर्ष चल्छ, त्यो बेलासम्म विचारधारात्मक सङ्घर्ष चलिनै रहन्छ । वर्गसङ्घर्षको दीर्घकालीन प्रकृतिअनुसार दुईलाइन सङ्घर्षको प्रकृति पनि दीर्घकालीन नै हुने गर्दछ । विचारधारात्मक क्षेत्रमा सत्य र असत्य, असल र खराब तथा सुन्दर र कुरूपका बीचको सङ्घर्ष निरन्तर जारी रहन्छ । यसै सङ्घर्षको प्रक्रियामा सत्य, असल र सुन्दर विजयी बन्दै जान्छन् । माक्र्सवाद पनि यसरी नै विजयी बन्दछ ।
हामी दुनियाँ बदल्न चाहने शक्ति हौं । दुनियाँ बदल्न चाहने शक्ति स्वयम् आफै बदलिनुपर्दछ । आफू बदलिन तयार नहुने मानिसले दुनियाँ बदल्न पनि सक्तैन । आफू स्वयम् बदलिन र दुनियाँ बदल्नका लागि आज हामीमा दृढ सङ्कल्प र क्रान्तिकारी साहसको आवश्यकता छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.