काठमाडौँ, चैत ११– त्रिभुवन आर्मी क्लबले नेपाल एपिएफ क्लबलाई हराउँदै पहिलोपटक एक दिवसीय राष्ट्रिय क्रिकेट प्रतियोगिता जितेको छ । कीर्तिपुरस्थित विश्वविद्यालय मैदानमा मंगलबार भएको खेलमा आर्मीले चिरपरिचित प्रतिद्वन्द्वी एपिएफलाई पाँच विकेटको हार चखायो । एपिएफको लगातार फाइनलमा यो दोस्रो पराजय हो । गतवर्ष पनि एपिएफ क्षेत्र नं २ वीरगन्जसँग उपाधि भिडन्तमा पराजित भएको थियो । टस हारेर ब्याटिङको निम्तो पाएको एपिएफले कारणवश ४५ ओभरमा घटाइएको खेलमा नौ विकेटको क्षतिमा पूरै ओभर खेल्दै १६४ रन बनायो । जवाफी ब्याटिङमा आएको आर्मीले मात्र पाँच विकेटको नोक्सानीमा ४०.५ ओभर खेल्दै लक्ष्य पूरा ग¥यो ‘प्लेयर अफ द म्याच’ घोषित भएका आर्मीका नरेश बुढाएरले अविजित ५३ रन बनाएर फाइनलमा एक मात्र अर्धशतक बनाउने खेलाडी भए भने जीतेन्द्र मुखियाले तीन विकेट लिएपछि एपिएफको इनिङ धर्मरायो । त्यस्तै, कप्तान विनोद भण्डारीले परिपक्व ब्याटिङको नमुना देखाउँदै ४८ रन बनाए, यसले आर्मीको जीतको आधार तयार पा¥यो । राजेश पुलामीले अविजित ३५, अनिल मण्डलले १५, सुनाम गौतमले १० तथा राहुल विश्वकर्माले एक रन जोडेपछि आर्मीको जीत सुनिश्चित भयो । एपिएफलाई सिमित स्कोरमा समेट्न जीतेन्द्रका अलावा अविनाश कर्ण र सागर पुनले दुई÷दुई तथा सोमपाल कामी र राहुलले एक÷एक विकेट हात पारेका थिए । यसअघि, टोली अफ्ठयारो स्थितिमा रहेका बेला क्रिजमा आएका वसन्त रेग्मीले समालिँदै ब्याटिङ गरेर एपिएफलाई सम्मानजनक स्थानसम्म पु¥याएका थिए । दुई विकेट पनि लिएका वसन्तले अविजित ३७ रन बनाए भने प्रदीप ऐरीले ३३ तथा ज्ञानेन्द्र मल्लले २४ रन जोडेका थिए । राष्ट्रियस्तरका स्टार खेलाडीले भरिएको एपिएफका अन्य ब्याट्सम्यान सस्तैमा पवेलियन फर्कदा राम्रो स्कोर बन्न सकेन र आर्मीलाई नतिजा सुम्पनुप¥यो । फाइनल खेलका ‘म्यान अफ द म्याच’ले डोर्नियर सर्टिङ एन्ड सुटिङ सेन्टरका तर्फबाट रु तीन हजार बराबरको गिफ्ट ह्याम्पर र ट्रफी प्राप्त गरे । आर्मीका कप्तान विनोद भण्डारीले बलिङ, ब्याटिङका साथै सबै क्षेत्रमा आफ्नो टोलीको उत्कृष्ट प्रदर्शन भएकाले उपाधि सम्भव भएको बताए । एपिएफका कप्तान पारस खड्काले आर्मीका खेलाडीले राम्रो खेलेकाले आफ्नो टोलीको हार भएको बताए । उपाधि विजेता आर्मीले ट्रफीसहित रु दुई लाख हात पा¥यो भने उपविजेतामा सीमित भएको एपिएफले दोस्रो स्थानको ट्रफी र रु एक लाख २५ हजारमा चित्त बुझायो । प्रतियोगितामा एक शतक र तीन अर्धशतकसहित ३८४ रन जोडेका आर्मीका महेश क्षेत्री प्लेयर अफ द टुर्नामेन्ट भए । महेशले ट्रफीसहित रु ३० हजार प्राप्त गरे । त्यस्तै, दुई शतक र एक अर्धशतकसहित २८६ रन बनाएका आर्मीकै अनिल मण्डल बेष्ट व्याट्सम्यान तथा १६ विकेट लिएका क्षेत्र नं ६ बैतडीका कमल ऐरी बेष्ट बलर भए, दुवैले रु २०/२० हजार प्राप्त गरे । - See more at: http://www.ratopati.com/2015/03/25/220327.html#sthash.woiztNM2.dpuf
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.