काठमाडौं – नेपाल
एपीएफ क्लब राजधानीमा जारी १६ औं महिला राष्ट्रिय लिग फुटबल प्रतियोगिताको
समूह विजेता बनेको छ । सातदोबाटोस्थित एन्फा कम्प्लेक्सको खेल मैदानमा
शुक्रबार भएको प्रतिस्पर्धात्मक खेलमा अर्काे विभागीय क्लब त्रिभुवन आर्मी
क्लबलाई १–० ले पराजित गर्दै एपीएफ समूह ‘बी’ को विजेता बनेको हो ।
एपीएफलाई जिताउन सावित्रा भण्डारीले गरेको
एक मात्र गोल नै निर्णायक बन्यो । एपीएफ र आर्मी दुवै टोली एक खेल अगावै
प्रतियोगिताको सुपर लिगमा प्रवेश गरिसकेको थियो । एपीएफ समूहमा अपराजित रहन
सफल रह्यो ।
प्रतिस्पर्धात्मक बनेको खेलको पहिलो हाफ
गोलरहित बराबरीमामा सकिएको थियो । तर, दोस्रो हाप शुरु भएको पाचौं मिनेटमा
सावित्राले गोल गर्दै एपीएफलाई अग्रता दिलाईन् । त्यसपछि थप गोल निस्कन
नसक्दा सावित्राको गोल नै एपीएफको जितमा पर्याप्त बन्यो । आर्मीविरुद्ध एक
गोल गरेसँगै सावित्राले लिगमा आफ्नो गोलसङ्ख्या २१ पु¥याएको छ ।
मध्यपश्चिममाथि एक्लैले १२ गोल गरेका सावित्राले पश्चिमाञ्चलमाथि ८ गोल
गरेको थियो ।
लिग चरणको अर्को खेलमा पश्चिमाञ्चलले
मध्यपश्चिमाथि २–० को सजत निकाल्यो । पश्चिमाञ्चलले समा कार्कीबाट एक गोल
उपहार पाएका थियो भने सुनिता विकेले एक गोल थपेको थियो ।
सुपर लिगका खेलहरु आइतबारबट शुरु हुने एन्फाले जनाएको छ । सुपर लिगको
पहिलो खेलमा नेपाल पुलिस क्लब र त्रिभुवन आर्मी क्लबबीच खेल हुनेछ ।
आइतबारै हुने अर्काे खेलमा एपीएफले सुदूरपश्चिमाञ्चलसँग खेल्नेछ ।तस्बिर : एन्फा
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.