बाजुराको छेडेदह गाउँपालिका–५ टुडाकी २३ वर्षीया कुन्ताकुरमारी बुढा उपचारका लागि असार २०७४ मा भारतको नयाँदिल्लीस्थित अस्पताल गइन् । तर, अस्पताल पुग्नुअघि नै उनी महिला बेचबिखन गर्ने दलालको फन्दामा परिन् ।
कुन्ताकुमारी र छेडेदह गाउँपालिका–१ रानाका २५ वर्षीय शुकेर रोकायाबीच वैशाख २०७४ मा प्रेम विवाह भएको थियो । विवाह भएको करिब २ महिनामै उनी बिरामी परिन् । बिरामी भएपछि उनी श्रीमानसँग उपचारका लागि भारतको नयाँदिल्ली गइन् । तर अस्पताल नपुग्दै भारतमा रहेका महिला बेचबिखन गर्ने दलालको फन्दामा परिन् ।
कुन्ता र शुकेबीच गाउँमा केही दिनअघि विवाद भएको थियो । कुन्ताले उजुरी गरेपछि इलाका प्रहरी कार्यालय डोगढीमा मेलमिलाप भएको थियो ।
भारतको नयाँदिल्ली पुगेपछि श्रीमान् सुकेले उपचार गर्न अस्पतालमा नलगी टेम्पो चालकको साथ लगाएर सडकमै छाडेर भागेको कुन्ताकुमारीले बताइन् ।
टेम्पो चालकसँग श्रीमानबारे सोध्दा उसले घर गइसकेको र सबै उपचार आफैंले गरिदिने बताएको कुन्ताको भनाइ छ । उसले आफूसँगै जाऊँ भनेर हातपात गर्न खोजेपछि सडकमै कराएको र उनले बताइन् ।
पैसा कमइ हुने ठाउँमा लैजाने, मीठोमसिनो दिने लोभ देखाएको कुन्ताको भनाइ छ । ‘धेरै बेरसम्म कराएपछि पुलिस आए र दलालबाट मलाई फुत्काए’, उनले भनिन् ।
पुलिसलाई सबै कुरा बताएपछि आफन्तसँग सम्पर्क गराएको उनले बताइन् । पुलिस आएपछि टेम्पो चालकसमेत भागेको उनले बताइन् । उनले नेपाल आएर प्रहरीमा उजुरी दिएकी छन् । तर श्रीमान् फरार छन् ।
नयापत्रिका दैनिक बाट
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.