११ भदौ, काठमाडौं । अग्रता जोगाउन नसक्दा नेपाल, यू-१५ साफ च्याम्पियनसीपको उपबिजेतामा सीमित भएको छ । फाइनलमा नेपाल चीर परिचित प्रतिद्वन्द्वी भारतसँग २-१ ले निराश बन्यो ।
सातदोवाटोस्थित एन्फा कम्प्लेक्सको मैदानमा आइतबार सम्पन्न फाइनलमा नेपालले पहिलो हाफमा पेनाल्टीमार्फत अग्रता बनाएको थियो । भारतीय डिफेण्डरले रञ्जन पुनलाई डिबक्सभित्र फल गरेपछि रेफ्रीले नेपाललाई पेनाल्टीको अवसर दिएका थिए । स्ट्राइकर ब्रिजेश चौधरीले पेनाल्टीलाई सदुपयोग गर्दै ४१औं मिनेटमा टोलीलाई अग्रता दिलाए ।
पहिलो हाफको इन्ज्यूरी समयमा भारतका रिक्की जोहले प्रहार गरेको बल गोलरक्षक बिशाल सुनारले कलेक्ट गर्न नसक्दा डिफेण्डर सञ्जीव अर्यालले गोललाईनबाट क्लियर गरी गोलको खतरा टारेका थिए ।
पहिलो हाफमा भारतलाई दवावमा राखेको नेपालले सोही लय दोस्रो हाफमा कायम राख्न सकेन । शारीरिक रुपमा बलिया भारतीय खेलाडीसामू नेपाली किशोरहरु कमजोर देखिन थाले ।
नेपालले दुपै गोल डिफेण्डरहरुको तालमेल मिल्न नसक्दा खाएको थियो । ५९औं मिनेटमा लालरोकिमाले सुन्दर गोल गर्दै खेल बराबरीमा ल्याए । मध्यक्षेत्रमा नेपाली खेलाडीले उनलाई मार्क गर्नै भ्याएनन् ।
७५औं मिनेटमा भारतले अग्रता लियो । यस गोल पनि नेपाली डिफेण्डरको कमजोरीले भएको थियो । भारतका बिक्रा प्रताप सिंहले उत्कृष्ट गोल गरेका थिए ।
नेपालले समूह चरणमा पनि भारतसँग २-१ कै पराजय व्यहोरेको थियो ।
सेमीफाइनलमा नेपालले बंगलादेशलाई ४-२ र भारतले भुटानलाई ३-० ले हराउँदै उपाधि भिडण्त तय गरेका थिए ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.